د.هێمن هەورامی: فەرەنسا پشتیوانی لەیەک هەرێمی کوردستانی یەکگرتوو دەکات
04:33 - 15/11/2026
زەمەن_هەواڵ
د.هێمن هەورامی، بڵاویکردەوە، فەرەنسا پشتیوانی لە یەک هەرێمی کوردستانی یەکگرتوو دەکات و کاراکردنەوەی پەرلەمان هەنگاوێکی یاساییە و پشتیوانی گفتوگۆی سیاسی نێوان پارتی و یەکیتی دەکات بۆ چارەسەری گرفتە سیاسیەکان.
ئەمڕۆ یەکشەممە، ١٥ی تشرینی دووەمی ٢٠٢٦، د. هێمن هەورامی، ئەندامی مەکتەبی سیاسی، پارتی دیموکراتی کوردستان ڕایگەیاند: لە پیرمام پێشوازییان لە ئێمانوێل مینیو کونسولی گشتی فەرەنسا لە هەرێمی کوردستان کرد و لەسەر دۆخی ئێستای هەرێمی کوردستان و کاراکردنەوەی پەرلەمان گفتووگۆیان کردووە.
دەشڵێت: سەبارەت بە دوایین پێشهاتەکانی کوردستان سیاسەت و هەڵوێستی پارتی دیموکراتی کوردستانمان بۆ روونکردەوە بەوەی کە کاراکردنەوەی پەرلەمان دوای دوو ساڵ لە هەڵبژاردنەکان بە گوێرەی هەموو رێککارە یاسایی و پەێرەوییەکان کراوە .جەختمان لە ئامادەیی و پابەندی پارتی بەدوایین پەیامی سەرۆک بارزانی کردەوە بەوەی کە وەکو پارتی ئامادەین بۆ گفتوگۆ و دیالۆگ لەگەل برایانی یەکیتی نیشتیمانی کوردستان.
هێمن هەرامی ئەوەشی خستووەتەڕوو، کە لای خۆیەوە کونسولی فەرەنسا ئاماژە بە پەیوەندییە مێژووییە دێرینەکانی نێوان فەرەنسا و هەرێمی کوردستان هەڵوێستی فەرەنسای دووپاتکردەوە بەوەی کە کاراکردنەوەی پەرلەمان بە کاریکی یاسایی دەز انن و پشتیوانی ئەوەن پارتی و یەکیتی و لایەنەکان بەردەوام بن لە گفتوگۆ و دیالۆگ بۆ دۆزینەوەی ریگا چارە . دووپاتی کردەوە کە هەرێمێکی کوردستانی بەهێز و یەکگرتوو لەبەرژەوەندی گەلی کوردستان و فەرەنسادایە و پشتیوانی قەوارەی دەستوریی هەرێمی کوردستانن لە چوارچێوەی عیراقدا.
دواتر لەسەر دوایین پەرەسەندنە سیاسیەکانی عیراق و ناوچەکە بیروڕامان ئاڵوگۆڕ کرد.