سبەی مووچە دێت و شاندێکیش بۆ مووچەی مانگەکانى تر دەچێتە بەغدا
08:50 - 22/07/2025
زەمەن پرێس:
بەرپرسێک لە وەزارەتی دارایی و ئابووریی هەرێمی
کوردستان راگەیاند: ''بەهۆی هۆکاری تەکنیکییەوە ئەمڕۆ پارەی مووچەی مانگی ئایار
نەنێردرا، بەڵام بڕیارە سبەی تاوەکو نیوەڕۆ بنێردرێت و رۆژی دواتر دەست بە
دابەشکردنی بکرێت''.
ئەو سەرچاوەیە وتی: ''هەر سبەی وردبینی لە لیستی
مووچەی مانگی 6 دەستپێدەکات، دواتر لیستەکە رادەستی وەزیری دارایی عێراق دەکرێت''.
ئەو
بەرپرسەی وەزارەتی دارایی، ئاماژەى بەوەشکردوە، سبەی شاندێکی تەکنیکیی وەزارەتی
دارایی دەچنە بەغدا، بۆ گفتوگۆکردن لەبارەی داهات و خەرجی مووچەی مانگی 6 و
مانگەکانی دواتر و رێکارەکان تاوتوێ دەکەن.
لەبارەی خشتەی مووچەی مانگی ئایار، ئەو سەرچاوەیە
دەشڵێت''هەر سبەی دوای گەیشتنی پارەکە، خشتەی دابەشکردنی مووچەی مانگی ئایار
رادەگەیێندرێت؛ لیستەکە بە هەمان شێوەی مانگەکانی پێشوو دەبێت و هەوڵدەدرێت لە
کەمترین کاتدا مووچەی هەموو فەرمانبەران دابەشبکرێت''.
رووداو