بزوتنەوەی گۆڕان: نائومێدنین و هیوامانوایە دوای جەژن مووچەی مانگی پێنج بۆ فەرمانبەران بگەڕێتەوە
09:05 - 05/06/2025
زەمەن پرێس:
بزوتنەوەى گۆڕان بەبۆنەى جەژنی قوربانەوە
پەیامێکی پیرۆزبایی بڵاوکردەوە و دەڵێت: پیرۆزبایی جەژنی قوربانی پیرۆز لە تەواوی مسوڵمانانی
کورد بەتایبەتی و مسوڵمانانی جیهان بەگشتی دەکەین، هیوادارین هاونیشتیمانیانمان
ڕۆژانی جەژن، لە خۆشی و کامەرانیدا بەسەر ببەن.
لە پەیامەکەی بزوتنەوەى گۆڕاندا هاتووە: بەداخەوە
جەژنی قوربانی ئەمساڵ لە رێكەوتێكدا بوو كە مووچەی مانگی پێنجی فەرمانبەرانی
هەرێمی كوردستان لەلایەن دەسەڵاتدارانی بەغداوە راگیراوە، كەبووە مایەی بارگرانی
بۆ چینی فەرمانبەران و كاریگەری لەسەر خۆشییەکانی جەژنیش دروستكرد.
بزووتنەوەکە
جەختیکردوەتەوە، ئەو غەدرە پێشێلکردنی ئاشکرای دەستورو مافە سەرەتاییەكانی مرۆڤ و
پێنەدانی مافە داراییەکانی موچەخۆرانی هەرێمی کوردستانە، كە هەق نیە باجی هەڵەو
کەموکوڕیی و ناكۆكیەكانی نێوان حكومەتی فیدراڵی و حكومەتی هەرێم ئەوان بیدەن.
هاوکات
بزوتنەوەى گۆڕان دەشڵێت: ئێمە نائومێدنین و هیوامان وایە دوای جەژن ئەو مافە بۆ
فەرمانبەرانی دڵسۆزی هەرێمی كوردستان بگەڕێتەوە.
دەقی
پەیامەکە:
بەناوی بزوتنەوەی گۆڕان -ەوە بەگەرمی پیرۆزبایی
جەژنی قوربانی پیرۆز لە تەواوی مسوڵمانانی کورد بەتایبەتی و مسوڵمانانی جیهان
بەگشتی دەکەین. هیوادارین هاونیشتیمانیانمان ڕۆژانی جەژن، لە خۆشی و کامەرانیدا
بەسەر ببەن.
بەداخەوە جەژنی قوربانی ئەمساڵ لە رێكەوتێكدا بوو
كە مووچەی مانگی پێنجی فەرمانبەرانی هەرێمی كوردستان لەلایەن دەسەڵاتدارانی
بەغداوە راگیراوە، كەبووە مایەی بارگرانی بۆ چینی فەرمانبەران و كاریگەری لەسەر
خۆشییەکانی جەژنیش دروستكرد، كە ئەو غەدرە پێشێلکردنی ئاشکرای دەستورو مافە سەرەتاییەكانی
مرۆڤ و پێنەدانی مافە داراییەکانی موچەخۆرانی هەرێمی کوردستانە، كە هەق نیە باجی
هەڵەو کەموکوڕیی و ناكۆكیەكانی نێوان حكومەتی فیدراڵی و حكومەتی هەرێم ئەوان بیدەن.
ئێمە
نائومێدنین و هیوامان وایە دوای جەژن ئەو مافە بۆ فەرمانبەرانی دڵسۆزی هەرێمی
كوردستان بگەڕێتەوە.
بزوتنەوەی گۆڕان
مەكۆی سەرەكی – گردی زەرگەتە
5ی حوزەیرانی ٢٠٢٥