بزوتنەوەی گۆڕان: ژیان و گیانی کرێکاران تێیدا پارێزراو نییە
11:17 - 01/05/2025
زەمەن – هەرێمی كوردستان
دەقی راگەیەنراوێك لە بزوتنەوەی گۆڕانەوە بەبۆنی رۆژی جیهانی كرێكارانەوە.
1ی ئایار ڕۆژێکی پرشنگدار
ئەم ڕۆژە ڕۆژێکی پرشنگدارە بۆ
سەرجەم کرێکارانی پیاو و ژن، ١ی ئایار لە هەموو کرێکاران پیرۆز بێت، بەتایبەت ئەوانەی
بۆ بەدەستهێنانی مافەکانیان کار دەکەن.
ڕۆژی کرێکاران ڕۆژی
داخوازی و داواکاریی کرێکارانە، جیاوازیی ١ی ئایار لەگەڵ ڕۆژەکانی تر ئەوەیە، دەبێت لەم ڕۆژەدا هەوڵی جیدی بدرێت بۆ
دەستەبەرکردنی مافەکانی کرێکاران.
هەرێمی کوردستان
هەرچەندە لە ڕووی جوگرافیا بچووک و لە ڕووی دانیشتوانەوە کەمە، بەڵام ژیان و گیانی
کرێکاران تێیدا پارێزراو نییە، کە بەداخەوە ساڵانە دەیان کرێکار لە شوێنی کارەکەیان
و لەسەر کار دەبنە قوربانی و گیان لە دەست دەدەن.
کرێکاران ئەو چینەن
کە هەمیشە لە شۆڕشی بەرگری و شۆڕشی ئاوەدانی وڵاتدا لە سەنگەرەکانی پێشەوەدا بوون
و دەبن، سەرەڕای ئەوە ئاشکرایه لای هەموان ڕۆڵی کرێکاران لە شۆڕشە یەک لە دوای یەکەکانی
کوردستان چەندە گەورە و ئەوان ئامادەیی جیدیان هەبووه. ئەوەیش ڕوونە لای هەموو لایەک
له دوای ٣٣ ساڵ لە ژێر سایەی دەسەڵاتی سیاسی هەرێم دا، نەتوانراوە لانی کەمی پێداویستی
لە ماف و داخوازییەکانییان پاراستنیان بهێنرێتە
دی .
لەو ماوەیەیشدا
هەرچی لەم ڕۆژەدا گوترابێ بە غەیری ناوهێنان و دروشمی تایبەت بۆ مەرامی تایبەت لە
بۆنە و کایه سیاسییەکاندا بە گشتی هیچ بەرهەمێکی بۆ کرێکاران لێ نەکەوتۆتەوه.
ئێمە وەک بزوتنەوەی
گۆڕان لە ڕۆژی کرێکاراندا هاوپشتی و هاوخەباتی هەمیشەیی خۆمان لە ماف و داخوازییه ڕەواکانیان
دەکەین و داواکارین لە لایەنی پەیوەندیدار هەرچی زووه ئاوڕێکی جیدی لە ژیان و گوزەرانی
کرێکاران بدەنەوە و داواکاری و مافەکانیان بهێنرێتە دی .
بزوتنەوەی گۆڕان
گردی زەرگەتە
١/٥/٢٠٢٥