تووشبوون به كۆرۆنا له 100 ملیۆن نزیك ده‌بێته‌وه
10:11 - 25/01/2021
76 جار خوێندراوەتەوە
زه‌مه‌ن_جیهانی
لە سەرانسەری جیھان، ژمارەی حاڵەتەکانی تووشبوون بە ڤایرۆسی
کۆرۆنای نوێ (COVID-١٩)، ٩٩ ملیۆن و ٧٧٤ هەزار کەسی تێپەڕاند.
بەپێی ماڵپەرى "Worldometer" كه زانیارییەکانی پشت به ئاماره‌كانى په‌تای ڤايرۆسى كۆرۆنای
نوێ ده‌به‌ستێت لە جیهاندا، دوو ملیۆن و ١٣٩ هه‌زار و ٣١ كه‌س له‌سه‌رانسه‌ری
جیهاندا به‌هۆی په‌تاكه‌وه گیانیان له‌ده‌ستداوه.
لە کاتێکدا ژمارەى تووشبووان بە په‌تاكه
له جیهاندا، گه‌یشتووه‌ته ٩٩ ملیۆن و ٧٧٤ هەزار و ٣٥١ کەس، ٧١ ملیۆن و ٧٦٢ هەزار
و ٧٤٦ تووشبوو چاکبوونەتەوە.
ویلایەتە یەکگرتووەکانی ئه‌مریكا،
زۆرترین ژمارەی تووشبوون و گیانلەدەستدانی بەهۆی په‌تاکە تۆمارکردووە كه تا ئێستا،
٢٥ ملیۆن و ٧٠٢ هه‌زار و ١٢٥ حاڵه‌تی تووشبوون و، ٤٢٩ هەزار و ٤٩٠ حاڵەتی
گیانلەدەستدانی بەو پەتایە تۆمارکردووە.