هەڵبژاردنى پەرلەمانى عێراق دواخرا
08:08 - 14/01/2021
زەمەن ــ عێراق
هەڵبژاردنى پەرلەمانى عێراق دواخرا و رۆژى 30 ئەیلول و 15 تشرینى یەکەم و 1ى تشرینى دووەم پێشنیازکراوە بۆ ئەنجامدانى هەڵبژاردن.
سەرچاوەیەک لە کۆبونەوەى سێ سەرۆکایەتییەکەى عێراق و کۆمسیۆنى باڵاى سەربەخۆى هەڵبژاردنەکانى عێراق بە"زەمەن"ى راگەیاند: "كۆمسیۆنی باڵای سه‌ربه‌خۆی هه‌ڵبژاردنه‌كانی عێراق ئامادەنەبوون لەو وادەى دیاریکراوە هەڵبژاردنەکان ئەنجام بدەن، بۆیە بڕیاردرا به دواخستنی پرۆسه‌ی هه‌ڵبژاردنی په‌رله‌مانی عێراق".
ئەو سەرچاوەیە ئاماژەى بەوەشکرد، لە کۆبونەوەکەدا سێ کاتى جیاواز پێشنیازکرا بۆ ئەنجامدانى هەڵبژاردن کە 30 ئەیلول و 15 تشرینى یەکەم و 1تشرینى دووەم بوو، کۆمسیۆن چی رۆژێکیانى پێباشبوو ئەو رۆژە وەک رۆژى ئەنجامدانى هەڵبژاردن دیاریدەکرێت.
کۆتایى مانگى تەموزى ساڵى رابردوو، مسته‌فا كازمی سه‌رۆكوه‌زیرانی عێراق رۆژی 6-6-2020 بۆ ئه‌نجامدانی هه‌ڵبژاردنی پێشوه‌خت دیاریكرد.