جیهان

ئارنۆڵد: تره‌مپ خراپترین سه‌رۆكه‌ له‌ مێژوودا

11:04 - 11/01/2021 188 جار خوێندراوەتەوە

زه‌مه‌ن_جیهانی

 

ئارنۆڵد شوارزنیگه‌ر، حاكمی پێشووی كالیفۆرنیا، لایه‌نگرانی تره‌مپ به‌ "نازییه‌كان" ناوده‌بات و تره‌مپیش به‌ خراپترین سه‌رۆك ده‌زانێت.

 

ئارنۆڵدی ئه‌‌ستێره‌ی هۆڵیود له‌ گرته‌یه‌كی ڤیدیۆیدا له‌ تۆڕی كۆمه‌ڵایه‌تی تویته‌ر وتی: ناوی تره‌مپ له‌ مێژوودا تۆمارده‌كرێت، به‌وه‌ی خراپترین سه‌رۆكه‌ له‌ مێژوودا.

 

ئارنۆڵد كه‌ سیاسیه‌كی كۆمارییه‌، ده‌ڵێت: چوارشه‌ممه‌ شه‌وی شكاندنی شوشه‌كان بوو له‌ ئه‌مریكا. وه‌ك ئاماژه‌یه‌ك بۆ هه‌ڵكوتانه‌ سه‌ر بینای كۆنگرێس له‌لایه‌ن لایه‌نگرانی تره‌مپه‌وه‌.

 

به‌كارهێنانی "شه‌وی شكانی شوشه‌كان"، ده‌سته‌واژه‌یه‌كه‌ به‌كارده‌هێنرێت به‌رامبه‌ر به‌ نازییه‌كانی ئه‌ڵمانیا و نه‌مسا كاتێك هه‌ڵیانكوتایه‌ سه‌ر ماڵی جوله‌كه‌كان و قوتابخانه‌ و كۆمپانیاكان له‌ ساڵی 1938دا.

سۆشیال میدیا

ڕۆژنامەی زەمەن

Advertisement