ئابوری

بانكى رافيده‌ین بۆ هاوڵاتیان: پاره‌ له‌ ماڵه‌وه‌ هه‌ڵمه‌گرن

01:10 - 27/11/2020 888 جار خوێندراوەتەوە

"زەمەن"



بانکى رافیدەینی عێراق، داوا له‌ هاوڵاتیان ده‌كات چیتر پارەکانیان لە ماڵەکانیان هەڵنەگرن و بیانخه‌نه‌ بانكه‌وه‌.

 

بانکى رافیدەین، لە بەیاننامەیەکدا داوایكردووه‌ هاوڵاتیان پارەکانیان لە بانکەکەیان دابنێن و هەژمارى بانکى بکەنەوە بۆ ئەوەى سود بەرامبەر پارەکانیان وەربگرن.


ئاماژە بۆ ئەوەکراوە کە کاتێک هاوڵاتیان پارەکانیان لە ماڵەکانیان دادەنێن هیچ سودێک وەرناگرن، پێویستە لەجێى ئەوە سودێک لە هەڵگرتنى پارەکانیان وەربگرن و لە بانک دایبنین و لە بەرامبەریشدا ئەو پارەیە دەتواندرێت لە کەرتى وەبەرهێنان بەکاربێتەوە.



بەپێی راپۆرتێکی رۆژنامەوانی، قەبارەی ئەو پارە نەختینەیەیی کە لای هاوڵاتیانی عێراقییە و لە ماڵەکانیاندا هەڵیانگرتووە، نزیکەی 28 ملیار دۆلاری ئەمریکییە.

بانكى رافیده‌ین ساڵی 1941 دامه‌زراوه‌ و به‌ سه‌رمایه‌ی 50 هه‌زار دینار ده‌ستی به‌ كار كردووه‌.

سۆشیال میدیا

ڕۆژنامەی زەمەن

Advertisement