ئابوری

نرخی دۆلار زیاتر بەرزبووەوە

02:23 - 17/10/2020 900 جار خوێندراوەتەوە

"زەمەن"

ئەمڕۆ شەممە، نرخی دۆلار بە شێوەیەکی بەرچاو بەرزبووەوە و لە ئێستادا ١٠٠ دۆلار بە ١٢٦ هەزار و ٥٠٠ دیناری عێراقی مامەڵەی پێوەدەکرێت، وتەبێژی بازاڕی دۆلارەکەی سلێمانیش هۆکارەکانی بەرزبوونەوەی نرخی دۆلار ئاشکرادەکات.


ئەمڕۆ شەممە، بەپێی ئەو نرخانەی لە بازاڕی دراوەکانی هەولێر و سلێمانییەوە دەست دیجیتاڵ میدیای زەمەن کەوتوون، بەراورد بە دوێنێ، نرخی دۆلار بە شێوەیەکی بەرچاو بەرزبووەوە و لە لە ئێستادا ١٠٠ دۆلار بە ١٢٦ هەزار و ٥٠٠ دیناری عێراقی مامەڵەی پێوەدەکرێت لە کاتێکدا، دوێنی ١٠٠ دۆلار بە ١٢٤ هەزار و ٨٥٠ دیناربوو.

هاوکات، جەبار گۆران وتەبێژی بازاڕی دۆلارەکە بە زەمەنی راگەیاند، هۆکاری سەرەکی بەرزبوونەوەی نرخی دۆلار بۆ بڵاوبوونەوەی ڤایرۆسی کۆرۆنا و کەمبوونەوەی خواست لەسەر نەوت دەگەڕێتەوە.

وتیشی، ماوەی نێوان ٧ بۆ ١١ی ئەم مانگە، بانگی ناوەندی عێراق هیچ بڕە دۆلارێکی نەخستووەتە بازاڕەکانەوە ئەوەش هۆکارێکی دیکەی بەرزبوونەوەی نرخی دۆلارە.

هاوکات، نرخی دراوەکانی دیکە بەم شێوەیەیە:نرخی دراوەكان لە بازاڕەكانی هەرێم بەم شێوەیەیە:
نرخی ١٠٠ دۆلار بە ١٢٦ هەزار و ٥٠٠ دینارە
نرخی ١٠٠ پاوەن بە ١٦١ هەزار دینارە
نرخی ١٠٠ یۆرۆ بە ١٤٨ هەزار دینارە
نرخی ١٠٠ هەزار تمەنی ئێرانی چوار  هەزار و ١٠٠ دینارە

نرخی ١٠٠ لیرەی تورکی بە ١٦ هەزار و ٧٥٠ دینارە 

سۆشیال میدیا

ڕۆژنامەی زەمەن

Advertisement