کوردستان

وته‌بێژی قوباد تاڵه‌بانی راگه‌یه‌ندراوێكی بڵاوكرده‌وه‌

07:19 - 30/06/2020 1844 جار خوێندراوەتەوە

"زه‌مه‌ن"


له‌ راگه‌یه‌ندراوێكدا، وته‌بێژی قوباد تاڵه‌بانی، جێگری سه‌رۆكی حكومه‌تی هه‌رێمی كوردستان بڵاویكرده‌وه‌، لە دوای گەڕانەوەی شاندی دانووستانکاری هەرێم لە بەغدا، قوباد تاڵەبانی، زنجیرەیەك دیدار و كۆبوونەوەی دیپلۆماسی لەگەڵ باڵیۆز و كونسوڵ و نوێنەرایەتی وڵاتانی بیانی بەتایبەت یەکێتی ئەوروپا و ئەمریکا دەست پێكردوە، بۆ روونكردنەوەی دۆخی دانووستانەکان و هەڵوێستی هەرێمی كوردستان لەسەر چۆنیەتی چارەسەرکردنی کێشە هەڵپەسێردراوەکان.


ده‌قی راگه‌یه‌ندراوه‌كه‌:

لە دوای گەڕانەوەی شاندی دانووستانکاری هەرێم لە بەغدا، قوباد تاڵەبانی، جێگری سەرۆكی ئە‌نجومە‌نی وەزیران، زنجیرەیەك دیدار و كۆبوونەوەی دیپلۆماسی لەگەڵ باڵیۆز و كونسوڵ و نوێنەرایەتی وڵاتانی بیانی بەتایبەت یەکێتی ئەوروپا و ئەمریکا دەست پێكردوە، بە مەبەستی روونكردنەوەی دۆخی دانووستانەکان و هەڵوێستی هەرێمی كوردستان لەسەر چۆنیەتی چارەسەرکردنی کێشە هەڵپەسێردراوەکان، بەتایبەت پرسی شایستە داراییەكانی ھە‌رێمی كوردستان و بەردەوامی گفتوگۆکانی حکومەتی هەرێم و حکومەتی فیدراڵ.

سە‌میر ھە‌ورامی
وتە‌بێژی فە‌رمی جێگری سە‌رۆكی ئە‌نجومە‌نی وە‌زیران

سۆشیال میدیا

ڕۆژنامەی زەمەن

Advertisement