عێراق له مانگی داهاتووه‌وه پارەدانی کاش لە فەرمانگەكان قەدەغە ده‌كات
01:07 - 09/06/2025
زه‌مه‌ن –
ئابوری
حکومەتی عێراق هەڵمەتی
هۆشیاری دەستپێکردوە بۆ هاندانی خەڵک بۆ وەرگرتنی سیستەمی پارەدانی ئەلیکترۆنی و
دورکەوتنەوە لە کلتوری پارەدان بەشێوەی کاش.
لەسەرەتای مانگی
داهاتوەوە پارەدان لە فەرمانگە حکومییەکانی عێراق دەبێتە ئەلیکترۆنی و پارەدانی
کاش قەدەغەیە.
ساڵح سەلمان،
راوێژكاری سەرۆكوەزیرانی عێراق راگەیاند، وڵاتەکە لە وەرگرتنی سیستەمی پارەدانی ئەلیکترۆنی
پێشکەوتنی بەرچاوی بەدەستهێناوە، ساڵی 2018 بۆ 2019 تەنها كەمتر لەڕێژەی 10%ـی پارەدانی
ئەلیكترۆنی هەبوە، بەڵام ئێستا رێژەكەی بۆ 40% بەرزبوەتەوە، هەروەها ژمارەی ئامێرەكانی
فرۆشتن بە شێوەی ئەلیکترۆنی گەیشتوەتە 60 - 70 هەزار، ژمارەی هەژماری بانكیش 22 بۆ
33 ملیۆن زیادیكردوە.
وتیشی: "لە مانگی داهاتوەوە سەرجەم پارەدانەکانی
حکومەت بەشێوەی ئەلیکترۆنی دەبن و بەمەش کۆتایی
بە پارەدانی کاش دەهێنرێت لەناو دامودەزگاکانی حکومەتەوە".