لە شارباژێر دوو گه‌نج لە ئاودا خنکان
09:16 - 02/06/2023
زه‌مه‌ن -
شارباژێڕ
دوو گەنج، یەکێکیان
لە چەمی خەمەڵوکە لە قەزای ماوەت و ئەوی دیکەیان لە چەمی کونەماسی لە شارباژێر
خنکان.
رائید ئارام عەلی،
وتەبێژی بەرگریی شارستانیی سلێمانی بە "زه‌مه‌ن"ی راگه‌یاند، ئەمڕۆ دوو
رووداوی خنکان لە چەمی خەمەڵووکە و لە سەیرانگەی کوونەماسی هەبوون، کە هەردووکیان
لە دەڤەری شارباژێردان لە سنووری پارێزگای سلێمانی.
وتیشی، تەرمی
قوربانییەکەی کوونەماسی دەرهێندراوە و لە نەتەوەی عەرەبە، بەڵام تاوەکو ئێستا زانیارییان
لەبارەی تەرمی دووەمەوە بەدەست نەگەیشتووە.
ئەو گەنجەی لە گوندی کونەماسی خنکاوە بە رەگەز عەرەبە و لە دایکبووی
ساڵی ١٩٨٦ە. ئه‌ویتریشیان دانیشتووی قەزای خانەقینە و بە مەبەستی گەشتکردن هاتوەتە
ناوچەکە و لە دایکبووی ساڵی ١٩٩٠ە.