بەم رێگایانە منداڵەکەت خولیای خوێندن بکە
11:51 - 30/11/2021
زەمەن-لایف ستایل
هەندێک جار کاتێک منداڵ دەچێتە قوتابخانە تاقەتی خوێندنی وانەکانی نابێت و بەردەوام رەتیدەکاتەوە، ئەمیش بەهۆی ئەوەوەیە کە دەچێتە نێو کۆمەڵێک کەسی نەناسراو یاخود بەهۆی ترسییەوەیە.
ماڵپەڕی سەیدەتی لەزاری پسپۆڕانەوە بڵاویکردەوە، لەم حاڵەتانەدا پێویستە دایکان و باوکان ڕەچاوی ئەم خاڵانەی خوارەوە ببن، تاوەکو منداڵەکانیان حەزیان بۆ خوێندن هەبێت لەوانە:-
- کەرەستەکانی خوێندن وەک قەڵەمی رەنگاورەنگ و دەفتەر و تەختە و کورسی و مێزی بۆ دابین بکە بۆ ئەوەی منداڵەکە هەست بە بەرپرسیاری بکات.
- لەبەردەم منداڵەکەت هەوڵبدە بیرەوەری یاخود شتێک بنوسیت بۆ ئەوەی منداڵەکەت حەز بە خوێندن و قەڵەم و دەفتەر بکات.
- بە منداڵەکەت بڵێ"ئەگەر وانەکانت بخوێنیت دیاریت پێ دەدەم یان پاداشتت دەکەم" ئەمە وا دەکات منداڵەکە زیاتر هەوڵبدات وانەکانی بخوێنێت.
- کاتێک منداڵەکەت دەخوێنێت، تۆی دایک شیرینی یان شیرێکی گەرمی بۆ ببە بۆ ئەوەی وزە و تاقەتی بۆ خوێندنەکەی زیاتر بێت.
-بۆ مامۆستا.. ئەگەر خوێندکارەکەت باش نەبوو، بێ هیوای مەکە بەڵکو هەوڵی لەگەڵ بدە و ئەگەر زانیت ئاستی بەرەو باشبوون دەچێت دیارییەکی بچوکی پێ بدە بۆ ئەوەی زیاتر متمانە بەخۆی بکات.
- پێویستە دایکان و باوکان رۆژانە کاتەکانی منداڵ دابەش بکەن و کات بۆ یاری و تەماشاکردنی تی ڤی و چوونە دەرەوە تەرخان بکەن بۆ ئەوەی منداڵەکە تووشی بێزاری نەبێت.
- هەمیشە وا منداڵەکەو فێربکە کە پابەندی پاکوخاوێنی ببێت و باسی داهاتووی بۆ بکە کە چۆن لە رێگەی خوێندنەوە دەبێتە کەسێکی باش و ژیر.
- رێگەی پێبدە بەشداری بۆنەکانی نێو خوێندن بکات وەک شانۆ و گۆرانی وتن و سەیران و مەراسیمەکان.