مەزڵوم عەبدی:پێویستە هەسەدە لەناو سوپای سووریادا جێی خۆی بگرێت
08:05 - 12/08/2025
زەمەن پرێس:
فەرماندەی هێزەکانى
سوریای دیموکرات هەسەدە رایدەگەیەنێت، دوای 14 ساڵ لە شەڕ ئەمڕۆ ئەوان لە
دانوستاندان و پێویستە هەسەدە لەناو سوپای سووریادا جێی خۆی بگرێت.
مەزڵوم عەبدی فەرماندەی
هێزەکانى قەسەدە ئەمڕۆ لە مەڕاسیمی ماڵئاوایی لە شەهیدی فەرماندە نوورەدین سۆفی، ڕایگەیاند،
قەسەدە و هەموو دامەزراوە سەربازییەکانمان، دەبێت بەشێوەیەکی شایستە و بەهێز لەناو
سوپای سووریادا جێگیرببن، ئەو دامەزراوە سەربازیی و ئەمنییانەی کە شەهید نوورەدین
سۆفی ڕۆڵی هەبوو لە دامەزراندنیاندا دەبنە بەشێک لە داهاتووی سووریایەکی نوێ.
مەزڵوم عەبدی لەبارەی
شەهید نوورەدین سۆفییەوە وتی: لە ساڵی ٢٠١٣ـوە بە پێشنیاری خۆی و بە داواکاری ئێمە،
هاتە ڕۆژئاوای کوردستان، لە خەباتی سیاسییەوە بگرە تا سەربازیی و دامەزراندنی
سیستەم و ئیدارەی خۆبەڕێوەبەریی وەک پێشەنگێک ڕۆڵی هەبوو، لە هەموو قۆناغە سەخت و
هەستیارەکاندا پێشەنگایەتی کرد.
وتیشی: فەرماندەی
بەرخۆدانی سەردەمی عەفرین بوو، هەروەها هەموو ئۆپەراسیۆنە گەورەکان ئەو بەڕێوەی
برد لە دژی گرووپە چەتەکانی داعش، لە ڕەقە و دێرەزوور و باغۆز، فەرماندەی هەموو
ئەم جەنگانەبوو
عەبدی ئاماژەى
بەوەشکردوە، دوای 14 ساڵ لە شەڕ ئەمڕۆ ئێمە لە دانوستانداین و پێویستە هەسەدە
لەناو سوپای سووریادا جێی خۆی بگرێت