داوا له‌ هاوڵاتیان كرا کاتژمێر ٨:٣٠ ی ئه‌مشه‌و، ڕووناکی ماڵه‌كانیان بکوژیننەوە

01:55 - 25/03/2023 843 جار خوێندراوەتەوە

زه‌مه‌ن

ئه‌نتۆنیۆ گۆتێرس، سكرتێری نەتەوە یەکگرتووەکان، داوای له‌ دانیشتوانی جیهان كرد لە کاتژمێر ٨:٣٠ ئێوارە بە کاتی ناوخۆیی، رۆژی 25ی ئادار ڕووناکییەکان بکوژیننەوە.

له‌ په‌یامێكدا بۆ کاتژمێری زەوی كه‌ ئه‌مڕۆ25 ئاداری 2023یه‌، سكرتێری نه‌ته‌وه‌یه‌كگرتووه‌كان رایگه‌یاند: لە کاتژمێری زەوی، ملیۆنەها کەس لە سەدان وڵاتی جیا لە سەرتاسەی جیهان، رووناکیەکان دەکوژێننەوە .

وتی "ئەمە داوایەکە بۆ کردار: لەگەڵ سروشت ئاشتبینەوە و کاری ژینگەیی بە شێوەیەکی بەرچاو زێدەتر بکەین و هەسارەکەمان ڕزگار بکەین، به‌بیرهێنانەوەشە کە ئێمە بەیەکەوە دەتوانین ڕۆڵی خۆمان بگێڕین – بە شێوازی گەورە و بچووک – لە پاراستنی ماڵە هاوبەشەکەمان و ئایندەشمان".

ئه‌نتۆنیۆ گۆتێرس، وتیشی "هەر خوولەک و سەعاتێک گرنگی خۆی هەیە، داواتان لێدەکەم لە کاتژمێر ٨:٣٠ ئێوارە بە کاتی ناوخۆیی، رۆژی 25ی ئادار ڕووناکییەکان بکوژیننەوە ،با لە تاریکیدا، ئایندەیەکی گەشتر و بەردەوام تر بۆ هەموو کەس لە هەموو شوێنێک دروست بکەین".