فه‌زیحه‌یه‌كی مانگی سوری توركیا، ئه‌و وڵاته ده‌هه‌ژێنێت
11:13 - 04/03/2023
"زەمەن"
لە ماوەی ئەم دواییەدا
زانیاری بە شێوەیەکی بەرفراوان لە میدیا و پلاتفۆرمە کۆمەڵایەتییەکانی تورکیادا بڵاوکرایەوە
سەبارەت بە فرۆشتنی خێمەی مانگی سووری تورکیا بە ڕێکخراوی خێرخوازی "ئەحباب"
لە دوای بوومەلەرزەکەی کەهرامانمەڕەش، کە شەپۆلی توڕەیی لە کۆمەڵگەی تورکیادا
دروستکرد.
ڕێکخراوی مانگی سوری
تورکیا، لە ژێر ڕەخنەيه‌كی تونددایە دوای ئەوەی ئاشکرا بوو کە ٥٠ هەزار خێمەی بە ڕێکخراوی
خێرخوازی “ئەحباب” فرۆشتووە بە بڕی ٤٦ ملیۆن لیرەی تورکی، لەبری ئەوەی بێ بەرامبەر
بەسەر زیانلێكه‌وتواندا دابه‌شیان بكات.
هەروەها باس لەوە دەکرێت
کە یارمەتییە خۆراکییە نێودەوڵەتییەکانی فرۆشتووە، لایه‌نه‌كانی ئۆپۆزسیۆن ئه‌مه
به فەزیحەیەکی دیکەی پەیوەست بە 'بومەلەرزەی سەدە' وەسف کردووە.
نوێنەرانی ژمارەیەک
پارتی ئۆپۆزسیۆن، له‌سه‌روی هه‌موویانه‌وه پارتی گه‌لی کۆماری و پارتی دیموکراتی
گەلان هه‌ده‌په، بە توندی ڕەخنەیان لە مانگی سووری تورکیا گرتووه.
لەسەر ئەو ڕەخنانەش، ئەندامێکی
پارتی داد و گەشەپێدانی دەسەڵاتدار، بولێنت توران، ڕایگەیاند مانگی سوور دامەزراوەیەکی
دەوڵەتی نییە و فرۆشتنی چادر هەڵەیە و دەشڵێت بە ڕوونی پێتان دەڵێم، هیوادارم لە ڕۆژێکی
ئاوا قورس و پڕ لە ئازاردا ئه‌و كاره‌تان نەتانکردبێت.
فیدراسیۆنی سەندیکاکانی
پارێزەرانی تورکیا سكاڵایه‌كی تاوانکاری لە داواکاری گشتی لە ئەنقەرە لە دژی بەرپرسانی
مانگی سووری تورکیا تۆمار کرد و تۆمەتباری کردون بە فرۆشتنی خێمە و خوێن و ماده خۆراکیه‌كان،
کە بڕیار بوو بێ بەرامبەر بەسەر ئەو کەسانەدا دابەش بکرێن کە بەهۆی بومه‌له‌رزه‌كه‌وه
زیانیان به‌ركه‌وتووه.
لە ڕاگەیەندراوێکی فیدراسیۆنەکەدا
هاتووە، ئەرکی سەرەکی مانگی سوور کە ڕێکخراوێکی بەنرخە تەنانەت پێش مێژووی کۆماریش
خزمەتی میللەتی کردووە، پاراستنی ژیان و تەندروستی مرۆڤە لە ئەگەری ڕوودانی کارەساتی
سروشتی و هەموو هەوڵێک دەدات بۆ بەرەنگاربوونەوەی برسێتی، هەژاری".
ناوبراو لە درێژەی قسەکانیدا
وتی "فرۆشتنی چادره‌كان لە ڕێگەی ڕێکخراوەکەوە لەبری ناردنی بۆ ناوچەی زیانلێکەوتوو
دەستبەجێ بەرپرسیارێتی تاوانکاری ده‌خاته ئه‌ستۆی مانگی سوور".
ئاماژەی بەوەشکرد، ئەوەی
بەرپرسانی ئەم ڕێکخراوە کردوویانە پێشێلکردنی ئاشکرای یاسای مرۆیی و بنەما سەرەکییەکانی
بزووتنەوەی خاچی سوور و مانگی سووری نێودەوڵەتی و یاسای نێودەوڵەتی بۆ مافی مرۆڤ.
بوومەلەرزەکە زیاتر لە
45 هەزار کەسی کوشت و ملیۆنان کەسیش ئاوارە بوون، لە کاتێکدا حکومەتی تورکیا خۆی لەبەردەم
خراپترین کارەساتدا دەبینێتەوە و لە تاقیکردنەوەیەکدایە کە پێش هەڵبژاردنە گشتییەکان
دێت کە پێشبینی دەکرێت کاریگەری لەسەر بیركردنه‌وه‌ی دەنگدەران هەبێت.
لەم ڕۆژانەدا حکومەتی
تورکیا ڕووبەڕووی ڕەخنەی توند دەبێتەوە بەهۆی دواکەوتنی دەستێوەردانەکانی بۆ ڕزگارکردنی
ژیانی هەزاران کەس، لە کاتێکدا ناوچە زیانلێکەوتووەکان بۆ چەند ڕۆژێک بەبێ هیچ
هاوکارییەکی مرۆیی و فریاگوزاری مانەوە، ئەمەش توڕەیی جەماوەری لێکەوتەوە.
سەرچاوە خۆجێییەکان
باس لەوە دەکەن کە ڕەنگە پارتی دادو گه‌شه‌پێدانی دەسەڵاتدار و ڕەجەب تەیب ئەردۆغان
سەرۆککۆماری تورکیا لە لایەن دەنگدەرانەوە بە تایبەتی لە ١١ ویلایه‌تی زیانلێکەوتووەوه
له‌سه‌ر سندوقه‌كانی ده‌نگدان سزا بدرێت.