لە هێرشێکی ئیسرائیلدا بۆ سەر قوتابخانەیەکی غەززە ١٠٠ کەس کوژران
10:42 - 10/08/2024
زەمەن - فەلەستین
شەڕی سەر غەززە
پێی ناوەتە ٣٠٩هەمین ڕۆژەوە و لەنوێترین هێرشی سوپای زایۆنیدا بۆ سەر قوتابخانەیەک
١٠٠ کەس گیانیان لەدەستدا.
بە وتەی بەرگریی
شارستانیی غەززە، ئیسرائیل بە مووشەک هێرشی کردە سەر قوتابخانەیەک و نزیکەی ١٠٠ کەس
کوژران، ئەمەش جگە لە برینداربوونی نزیکەی ٤٥ کەسی دیکە.
جێی ئاماژەیە، ئیسرائیل
بە سێ مووشەک هێرشەکەی بۆ سەر قوتابخانەکە ئەنجامداوە کە نزیکەی ٢٥٠ ژن و منداڵی
تێدابووە و ئاوارە بوون.
لەلایەکی دیکەوە
جیهادی ئیسلامیی فەلەستینی ئاماژەی بەوە کردووە، هێرشەکە لەکاتی نوێژی بەیانیدا
بووە و کوشتنی ئەو ژمارە زۆرەش لە خەڵک ناونراوە کۆمەڵکوژیی نوێژی بەیانی.
بەپێی
ئامارەکان، لەکۆی ٥٦٤ قوتابخانەی کەرتی غەززە، ٤٧٧یان راستەوخۆ هێرشیان کراوەتەسەر
یان زیانی گەورەیان بەرکەوتووە.