پاسپۆرتی دیپلۆماسی و پێنج تكتی خۆڕایی ده‌درێن به یاریزانانی عێراق
10:26 - 21/01/2023
"زەمەن"
پاسپۆرتی
دیپلۆماسی و پێنج تكتی خۆڕایی ده‌درێن به یاریزانانی هه‌ڵبژارده‌ی عێراق ئه‌وه‌ش به‌هۆی به‌ده‌ستهێنانی جامی 25ی كه‌نداوی عه‌ره‌بی.
ئەحمەد سەحاف، وتەبێژی
وەزارەتی دەرەوەی عێراق رایگەیاند: لەسەر رێنمایی فوئاد حوسێن، وەزیری دەرەوەی
عێراق، پاسپۆرتی دیپلۆماسی بە سەرجەم یاریزانانی هەڵبژاردەی تۆپی پێی عێراق
دەبەخشرێت.
ئەحمەد سەحاف وتی"ئەو
هەنگاوەی وەزیری دەرەوەی عێراق وەک خەڵاتێکە بۆ ئەو بردنەوەیەی هەڵبژاردەی عێراق
لە پاڵەوانێتی کەنداو لە بەسرە بەدەستیهێنا".
هاوكات کەریم کازم حوسێن،
بەڕێوەبەری گشتیی کۆمپانیای هێڵی ئاسمانیی عێراق رایگەیاندوه وەزیری گواستنەوەی
عێراق داوای لە کۆمپانیای هێڵی ئاسمانیی عێراقییە کردووە 5 تیکتی گەشتکردن بە
خۆڕایی بۆ ماوەی 6 مانگ بدرێتە یاریزانان و دەستەی راهێنانی هەڵبژاردەی تۆپی پێی
عێراق.
خه‌ڵاتی یاریزانان به‌هۆی
به‌ده‌ستهێنانی جامی كه‌نداوی 25ی به‌سره بوو، كه پێنجشه‌ممه‌ی رابردوو هەڵبژاردەی
عێراق، له یاری كۆتاییدا به 3 گۆڵ به‌رامبه‌ر به دوو گۆڵ له هه‌ڵبژارده‌ی
عوممانی برده‌وه.