کەشوهەوای ئێوارەی نەورۆز راگەیەنرا
11:37 - 19/03/2023
110 جار خوێندراوەتەوە
زەمەن_هەرێمى کوردستان
كەشناسى هەرێم رایگەیاند، سبەینێ ئاسمان هەور دەبێت لەگەڵ نمە
بارانى کەم لە کاتەکانى بەیانى لەسەر ناوچە شاخاوییەکان، لە دواى نیوەڕۆ هەندێک
کات بارانبارینى کورتخایەن دەبێت لە سەر ناوچە جیاجیاکان، لە کاتى دابارین هەورە
تریشقەشى لەگەڵ دەبێت.
بەڕێوەبەرایەتیی کەشناسیی و بومەلەرزەزانی هەرێم
پێشبینى کەشوهەواى ئەمڕۆ و سبەى بڵاوکردەوە رایگەیاند، “ئەمڕۆ یەکشەممە ئاسمان هەور
دەبێت بە درێژاى کاتەکان لەگەڵ تاوە باران لە هەندێک کاتدا و دروستبوونى هەورە تریشقە،
لە ئێوارەدا بارانبارین لەسەر بەشێک لە پارێزگاى سلێمانى و ناوچە شاخاوییەکانى ئیدارەى
راپەڕین و بەشێک لە ناوچە شاخاوییەکانى هەولێر زیاد دەبێت، لە کاتەکانی شەو درەنگدا
ئاسمان بۆ نیمچە هەور دەگۆڕێت”.
بەپێى پێشبینى کەشناسى هەرێم، “سبەینێ دووشەممە
ئاسمان هەور دەبێت لەگەڵ نمە بارانى کەم لە کاتەکانى بەیانى لەسەر ناوچە شاخاوییەکان،
لە دواى نیوەڕۆ هەندێک کات باران بارینى کورتخایەن دەبێت لەسەر ناوچەجیا جیاکان، لە
کاتى دابارین هەورە تریشقەشى لەگەڵ دەبێت، پلەکانی گەرما نزمبوونەوە بەخۆیانەوە دەبینن”.