ئابوری

نرخى نەوت رووى لە دابەزینە

08:47 - 07/08/2022 195 جار خوێندراوەتەوە

زەمەن_ئابوری


نرخی نەوت لە بازاڕەکانی جیهان، چەند رۆژێکە رووى لە دابەزینە و لە خوار 95 دۆلارەوە مامەڵەى پێوەدەکرێت.


سه‌رله‌به‌یانی ئەمڕۆ یەکشەممە، نرخی بەرمیلێک نەوتی برێنت بۆ 94 دۆلار و 55 سەنت دابەزی و خاوی ئه‌مریكیش بە 88 دۆلارە.

دابەزینی نەوت دوای ئەو نیگەرانییەكانی سستبوونەوەی ئابووریی ئەمریکا و چین دێت، هەروەها رۆژی‌ چوارشەممە رێكخراوی ئۆپێک پڵەس بڕیاریدا بە رێژەیەکی کەم و تەنیا رۆژانە 100 هەزار بەرمیل نەوت لە مانگی داهاتوودا زیاتر بخەنەڕوو کە یەکسانە بە 0.1%ی کۆی خواستی جیهان بۆ نەوت.

له‌ 8ی مانگی ئازاری ئه‌مساڵ، نرخی نه‌وت بۆ 130 دۆلار به‌رزبۆوه‌، ئه‌وه‌ش دوای لێدوانێكی جۆ بایدن، سەرۆکی ئەمریکا  كه‌ رایگەیاند: بوو؛ هەموو هاوردەیەکی نەوت و گاز و وزەی رووسی قەدەغە دەکەن، كه‌نرخی نه‌وتی به‌رزكرده‌وه‌و ژماره‌ی پێوانه‌یی له‌ 14 ساڵی رابردوو تۆماركرد.

به‌نیسبه‌ت هه‌رێمی كوردستانه‌وه‌ به‌رزبوونه‌وه‌ و داكشانی نرخی نه‌وتی جیهانی، كاریگه‌ری راسته‌وخۆی له‌سه‌ر ئابوری هه‌رێمی كوردستان و بارودۆخی فه‌رمانبه‌ران هه‌یه‌، به‌وپێیه‌ی حكومه‌ت مووچه‌ی فه‌رمانبه‌رانی له‌ داهاتی ناوخۆو فرۆشی نه‌وت دابینده‌كات، نیوه‌ زیاتریشی داهاتی مانگانه‌ش پشت به‌ستووه‌ به‌ فرۆشی نه‌وتی رۆژانه‌.

 

سۆشیال میدیا

ڕۆژنامەی زەمەن