هەواڵ

شەنگال!

12:25 - 06/09/2019 204 جار خوێندراوەتەوە


لە ڕۆژمێری هەموو ”٣ی ئاب” ێكدا
تۆ تەمێكی لوول خواردووی لە چاوی جیهاندا و
ویشوومەیەكی مەرگ هێنیت لە
خەندەی شمشێرێكی دەم و چاو خوێناویدا!

ئاگر ئەیگێڕێتەوە....
خوێن ئەینووسێتەوە....
”عار” ئەیخوێنێتەوە....
داربەڕووە پیرەكانی شەوگاری”لالش”یش ئەیكەنە ئاوازی
بەفرێكی ڕەش هەڵگەڕاوی یاخی ناو سوورەتەكانی
ڕقی بیابان!

ببورە هاوخوێنەكانت تۆیان لەسەر شەقامی گومان
جێهێشت بۆ پرسی حەرام!
تۆ بوویتە شووشەیەكی شكاوی ئازادیی و
بوویتە گوڵدانێكی شوومی پەڕی ئەو مەلەك تاوسانەی
بە فەتوای منارەكان سەربڕان!

هەڵۆ شێركۆ بێكەس
٢٠١٩/٨/٣

سۆشیال میدیا

ڕۆژنامەی زەمەن