فراکسیۆنی نەوەی نوێ: پارتی دەستەوەستانە و مەبەستی نییە کێشەکان چارەسەر بکات
07:42 - 29/11/2025
زەمەن
پرێس:
فراکسیۆنی
نەوەی نوێ لە پەرلەمانی کوردستان لەسەر خۆپیشاندانەکەی
هەولێر راگەیەندراوێکی بڵاوکردەوە و دەڵێت: وەڵامدانەوەی خۆپیشاندەران بەچەک کە داوای
مافێکی ئاسایی و یاسایی خۆیان دەکەن، سەلمێنەری ئەو راستیەیە کە حکومەتی
ماوەبەسەرچوو لەئاست چارەسەری هەر کێشەیەکی هاووڵاتیاندا دەستەوەستانەو مەبەستی
نییە بەشێکی زۆر لە کێشەی هاووڵاتیان، بەتایبەتیش کێشەی بێکاریی گەنجان چارەسەر
بکات.
فراکسیۆنی
نەوەی نوێ رایگەیاند، لە رووداوێکی چەند بارە بووەوەدا، ئەمڕۆ لەلایەن هێزێکی
چەکدارەوە بە تەقە کردن وەڵامی خۆپیشاندانی مەدەنیانەی کۆمەڵێک گەنج و دانیشتوانی
گوندی لاجانی سنووری پارێزگای هەولێر درایەوەو بەداخەوە تا نووسینی ئەم بەیاننامەی
گەنجێک شەهیدکراوە و چەند گەنجێکی تریش بریندارن.
ئاماژەى
بەوەشکردوە، دووبارە بوونەوەی ئەم رووداوانەو وەڵامدانەوەی خۆپیشاندەران بەچەک کە
داوای مافێکی ئاسایی و یاسایی خۆیان دەکەن، سەلمێنەری ئەو راستیەیە کە حکومەتی
ماوەبەسەرچوو لەئاست چارەسەری هەر کێشەیەکی هاووڵاتیاندا دەستەوەستانەو مەبەستی
نییە بەشێکی زۆر لە کێشەی هاووڵاتیان، بەتایبەتیش کێشەی بێکاریی گەنجان چارەسەر
بکات، لەبری وەڵامدانەوەی داواکارییەکانیشیان بەشێوەیەکی مەدەنیانە کەچی بە چەک
رووبەروویان دەبێتەوە.
لە
راگەیەندراوەکەدا هاتووە: ئێمە لە فراکسیۆنی نەوەی نوێ جگە لە
پشتیوانیمان بۆ هەر خۆپیشاندان و نارەزاییەکی مەدەنیانەی دوور لە توندو تیژی،
هاوکات داوا دەکەین کە تەقەکەران جا لە هەر هێزێک بن، رووبەرووی سزای خۆیان
بکرێنەوەو هەردوو حزبی دەسەڵاتیش چیدی دەست هەڵبگرن لەوەڵامدانەوەی خۆپیشاندەران
بە چەک و توندوتیژی و لە بری ئەوە دەرفەتی کاری راستەقینە و دادپەروەرانە بۆ
گەنجان و هاووڵاتیان دابین بکەن.