کێشە تەکنیکییەکانى کۆمۆر چارەسەر کراو کارەبا ئاسایی دەبێتەوە
06:43 - 29/11/2025
زەمەن
پرێس:
هەردوو
وەزارەتى سامانە سروشتییەکان و کارەبای هەرێم رایانگەیاند، زۆربەی كێشە تەكنییەكانی داناگاز چارەسەر كراوە و هەر کاتێک دەست
گواستنەوەی گازی سرووشتی بۆ وێستگەکانی کارەبا كرا، هاوڵاتیانی كوردستان ئاگادار
دەكەینەوە.
لە راگەیەندراوێکدا هەردوو وەزارەتى سامانە سروشتییەکان و
کارەبای هەرێم بڵاویانکردەوە، ئەمڕۆ
تیمێکی هەردوو وەزارەتی سامانە سرووشتییەکان و وەزارەتی كارەبا بە سەرپەرشتیی
بریکاری وەزارەتی سامانە سروشتییەكان و وەزارەتی كارەبا و بە ئامادەبوونی
بەڕێوەبەرانی گشتیی دیوانی وەزارەت و بەرهەمهێنانی كارەبا و كۆنترۆڵی كارەبای
هەرێم و راوێژكاری ئابووری لەگەڵ بەرپرسانی کۆمپانیای داناگاز سەرقاڵی
چارەسەرکردنی کێشە تەکنیکییەکانی بەرهەمهێنان بوون.
ئاماژە بەوەشکراوە، زۆربەیان كێشەكان
بەرەو چارەسەرکردن چووە، بۆ ئەوەی بە زووترین کات دەست بە پرۆسەی بەرهەمهێنانی
گازی سرووشتی بکرێتەوە بۆ وێستگەكانی بەرهەمهێنانی كارەبا.
دەشڵێت: هەر بە دەستپێکردنی
بەرهەمهێنانی گاز راستەوخۆ بۆ وێستگەکانی کارەبا دەگوازرێتەوە و هاووڵاتیانی
کوردستان لە هەر پێشوەچوونێکی پرۆسەکە ئاگادار دەکەینەوە.