دانە غاز بڕیاری دەسپێکردنەوەی نەدا
02:47 - 29/11/2025
زەمەن _ هەواڵ
کاتژمێر یەکی دوا نیوەڕۆی ئەمڕۆ کارمەندان و بەرپرسانی دانەغازو کێڵگەی غازی کۆرمۆر کۆبوونەوەی گشتیان کرد، لەسەر دەستپێکردنەوەی بەرهەمهێنانی غاز.
ئەمڕۆ شەممە، ٢٩ی تشرینی دووەمی ٢٠٢٥،) لە کۆبوونەوەی بەرپرسانی دانەغازو کێڵگەی غازی کۆرمۆر، بەرپرسانی دانەغاز بە ئامادەبوانیان راگەیاندبوو، ئەمجارەیان بڕیاری دەستپێکردنەوەی بەرهەمهێنانی غاز لەدەستی بەرپرسانی باڵای دانەغازە لە ئیمارات و ئەوان بڕیاردەدەن، ئەوانیش پێییان راگەیاندووین، دەبێت ئەمجارە گرەنتی هەبێت ئینجا دەستپێدەکەینەوە.
هاوکات، بڕیاریشە ئەمشەو جارێکی تر کۆبوونەوە بکرێت و چاوەڕوانی بڕیارو ئاماژەی ئیمارات و دەستکەوتنی گرەنتی دەکەن بۆ دەستپێکردنەوە.