هەواڵ

تا كۆتایی ئەم هەفتەیە سەرجەم وەزيرەکان ئاڵوگۆڕ دەكرێن

09:03 - 15/07/2019 141 جار خوێندراوەتەوە

"زەمەن"

 

ئەمڕۆ ئاڵوگۆڕی پێنج وەزارەت كرا و تا كۆتای ئەم هەفتەیەش ئاڵوگۆڕی سەرجەم وەزیرى وەزارەتەكان دەكرێت.

 

ئەمڕۆ دووشەمە 15ی تەموزی 2019 بە راسپاردەی مەسرور بارزانی سەرۆکی حکوومەتی هەرێمی کوردستان، ئاڵوگۆڕی دەسەڵاتەکانی وەزارەتەکانی ئاوەدانکردنەوە و نیشتەجێکردن، کاروباری پێشمەرگە، خوێندنی باڵا و توێژینەوەی زانستی، پەروەردە و کارەبا کرا.

 

دانا عەبدولکەریم دەسەڵاتەکانی وەزیری ئاوەدانکردنەوە و نیشتەجێکردنی لە دەرباز کۆسرەت رەسوڵ، و شۆڕش ئیسماعیل دەسەڵاتەکانی وەزارەتی پێشمەرگەی لە کەریم شنگالی،  و ئارامی حەمەی مینا دەسەڵاتەکانی وەزارەتی خوێندنی باڵا و توێژینەوەی زانستی لە د. یوسف گۆران، و ئالان حەمە سەعید دەسەڵاتەکانی وەزارەتی پەروەردەی لە پشتیوان سادق و کەمال محەمەد ساڵح دەسەڵاتەکانی وەزارەتی کارەبا وەرگرت.


پرۆسەکە بە سەرپەرشتی لێژنەیةكی تایبەتی ئەنجوومەنی وەزیران بۆ ئاڵوگۆڕکردنی پۆستی وەزارەتەکان بەڕێوەچوو، کە پێکهاتبوو لە شەعبان شەعبان چالی، بەڕێوەبەری نووسینگەی سەرۆکی حکوومەت و ئومێد سەباح، سەرۆکی دیوانی سەرۆکایەتی حکوومەت و ئامانج رەحیم، سکرتێری سەرۆکایەتی ئەنجوومەنی وەزیران.


بە پێی زانیارییەكانی دیجیتاڵ میدیای "زەمەن" تا كۆتای ئەم هەفتەیە پڕۆسەی ئاڵوگۆڕی سەرجەم وەزیرى وەزراەتەكانی دیكەش ئەنجام دەدرێت.

سۆشیال میدیا

ڕۆژنامەی زەمەن