هەواڵ

کەرکوک: ئۆتۆمۆبیلێک دزرا کە (12) ملیۆن دیناری تێدابوو

01:38 - 12/07/2019 138 جار خوێندراوەتەوە

"زەمەن"

 

پۆلیسی نەهێشتنی تاوانەکان رایگەیاند کە لە ناوچەی حوریە ئۆتۆمۆبیلێکی جۆری کیا دزراوە و لەناویدا (12) ملیۆن دیناری تێدابووە.

 

پۆلیسی نەهێشتنی تاوانەکان لە کەرکوک رایگەیاند کە دوێنێ  نیوەڕۆ لە رێککەوتی 11/7  ئۆتۆمۆبیلێکی جۆری کیا مۆدێل (2018) لە ناوچەی حورییە نزیک مزگەوتی (سید المرسلین) دزراوە و تێیدا (3) ملیۆن دیناری عێراقی و هەروەها چێکێکی بانکی بەبڕی نۆ ملیۆن و (331) هەزار دیناریی تێدابوە.

 

رونیشیکردەوە کە هێشتا لێکۆڵینەوە لەسەر رووداوەکە بەردەوامە و هەموو هێز و دەزگا ئەمنییەکان و سەیتەرەکان لە رووداوەکە ئاگادارکراونەتەوە.

 

هاوکات پۆلیسی کەرکوکیش رایگەیاند کە پێشنیوەڕۆی دوێنێ، کاتژمێر 10 نزیکەی (20) کەس کە دەرچوی زانکۆبوون، لە بەرامبەر بینایی پارێزگای کەرکوک گردبونەوەیەکیان سازکرد و داوایی دامەزراندنیان دەکرد.  هێزەکانی پۆلیس چونە نزیکی گردبونەوەکە بەمەبەستی پاراستنی گیانی خوێندکاران و دواتر دوای 45 خولەک کۆتاییان بە گردبونەوەکە هێنا.

سۆشیال میدیا

ڕۆژنامەی زەمەن