هەواڵ

پاشکۆی کولتووری زەمەن

11:02 - 12/06/2019 73 جار خوێندراوەتەوە

"زەمەن"

بیست ژمارەی رۆژنامەی “زەمەن” دەرچووە، سەرەتا تەنها دوو لاپەڕەی رۆژنامەکە تایبەت بوو بە کولتوور. نووسەران و هونەرمەندانی کورد، لە ناوەوەو دەرەوەی کوردستان، هاوکارمان بوون لە بڵاوکردنەوەی نووسین و بابەتی وەرگێڕان و چاوپێکەوتن و چالاکییە کولتوورییەکانیان. پاش چەند ژمارەیەک، بەهۆی زۆری بابەت و ئەو پێشوازییە گەرمەی نووسەران و خوێنەران لە رۆژنامەکەو بابەتە کولتوورییەکان، لاپەڕەکانی کولتوور بوونە سێ لاپەڕە. لەسەر پێشنیاری هەندێ نووسەرو هونەرمەندو بە پشت بەستن بەو پلانەی داماننابوو. لەم ژمارەیەوە بەشی کولتوور دەبێتە بەشێکی سەرەکیی و بەناوی (کولتووری زەمەن) و بە  چوار لاپەڕەی بەردەوام لەگەڵ ڕۆژنامەکەدا دەردەچێ...

 

  داوامان لە نووسەران و هونەرمەندانی کوردە لە ناوەوەو دەرەوەی کوردستان، پەیوەندییەکانیان لەگەڵ (کولتووری زەمەن) بەردەوامی پێبدەن و بیکەنە ماڵ و بانێژەیەک بۆ شوێنی گفتوگۆو دیالۆگی بەسوود، لەپێناو گەشەپێدانی کولتووری کوردیی و مرۆڤایەتیی... 

لەمەودوا، سێشەممان پاشکۆی (کولتووری زەمەن) بە چوار لاپەڕەی هەمەڕەنگی هەمەچەشنی ئەدەبی و هونەریی لەناو رۆژنامەکەدا بڵاودەبێتەوە. کولتووری زەمەن، ماڵێکی نائایدۆلۆژیی ناحیزبیی دەبێت بۆ هەموو نووسەرانی کورد، بێ جیاوازیی بۆ بڵاوکردنەوەی نووسین و بەرهەمەکانیان.

سەرپەرشتیار

سۆشیال میدیا

ڕۆژنامەی زەمەن