هەواڵ

بۆچونی یاساناسێک لەسەر پڕۆسەی ناوەزدکردن و راسپردنی کاندید بۆ پێکهێنانی حکومەت

10:06 - 12/06/2019 104 جار خوێندراوەتەوە

"زەمەن"

راوێژکارێکی یاسایی پەرلەمانی کوردستان رایدەگەیەنێت، هیچ یاسایەک نیە کاتی دەستنیشانکردبێت، سەرۆکی هەرێم ناچار بکات لەماوەی ئەو کاتەدا سەرۆکی دەستنیشانکراوی کابینەی حکومەت رابسپێرێت بۆ پێکهێنانی کابینەکەی.

 

 

د. خامۆش عومەر، راوێژکاری یاسایی پەرلەمانی کوردستان، بە دیجیتاڵ میدیای "زەمەن"ی راگەیاند، لە یاسای هەڵبژاردنی پەرلەمانی کوردستاندا هاتووە، پەرلەمانی کوردستان هەڵدەستێت بە دەستنیشانکردنی کەسێک بۆ سەرۆکایەتی ئەنجومەنی وەزیران، بە پێی یاساکە تەنها کەسەکە دیاری دەکات و دەسەڵاتی راسپاردنی نیە بۆ پێکهینانی کابینەی حکومەت.

 

 

ئاماژەی بەوەشکرد، بە گوێرەی یاسای سەرۆکایەتی هەرێم، لەدوای دەستنیشانکردنی کەسەکە لە لایەن سەرۆکی پەرلەمانی کوردستانەوە و ئاڕاستەکردنی بۆ سەرۆکی هەرێم، ئەو کاندیدە لەلایەن  سەرۆکی هەرێمەوە رادەسپێرێت بۆ پێکهێنانی کابینەی نوێی حکومەت لەماوی ٣٠ رۆژدا، بەڵام لە یاسەکەدا کات دیاری نەکراوە کە سەرۆکی هەرێم چەند رۆژی لەبەردەستدایە بۆ ئەوەی کاندیدی دەستنیشانکراو رابسپێرێت بۆ پێکهینانی حکومەت.

 

 

وتیشی، ئەو ٣٠ رۆژە، لەو رۆژەوە دەست پێدەکات کە سەرۆکی هەرێم، کاندیدە دەستنیشانکراوەکە رادەسپێرێت بۆ پێکهێنانی کابینەى نوێی حکومەتەکەی.

 

 

دوێنێ سێشەممە، لە دانیشتنی پەرلەماندا، بە دەنگی ٨٧ ئەندام، مەسرور بارزانی بۆ پێکهینانی کابینەی نوێی حکومەت، دەستنیشانکراو سەرۆکی پەرلەمانیش رایگەیاند، بە زوترین کات کاندیدە دەستنیشانکراوەکە ئاڕاستەی سەرۆکی هەرێم دەکەن.

سۆشیال میدیا

ڕۆژنامەی زەمەن