هەواڵ

باوەڵ

02:23 - 11/06/2019 88 جار خوێندراوەتەوە

"زەمەن"

(باوەڵ، کەرەستەیەکی دروستکراوی کۆنی کوردە، بەکارهێنراوە بۆ هەڵگرتنی جلوبەرگ‌و کەرەستەی زیادەو پاراستنی لە لەناوچوون. ئێمەش هەموو هەفتەیەک، بەسەرهاتێکی کۆن، پەندو رووداوێک، لەناو “باوەڵ”ی مێژووی کورد هەڵدەبژێرین و لەم گۆشەیەدا بڵاوی دەکەینەوە.)

شێخ ره‌زای تاڵەبانیی، بەدەر لە شیعر نووسین، زه‌می هه‌موو که‌سێکی کردووه‌. رۆژێ له‌ ماڵی “وه‌سمان پاشای جاف” باوکی هەردوو شاعیری مەزنی کورد “ئەحمەد موختار جاف و تایەر بەگی جاف” ده‌بێ، شێخ عومه‌ری بیارەش،‌ به‌ میوانی ئه‌چێ بۆ ئه‌وێ. کوڕگه‌ل ئه‌چنه‌ بن کڵێشه‌ی شێخ ره‌زای تاڵەبانیی که‌ تۆزێ زه‌می شێخ عومه‌ر بکات، به‌ڵام شێخ رەزا هه‌رچه‌نه‌کا چه‌شه‌ی نابزوێ بۆ ئه‌و زه‌مه‌، جا له‌به‌ر چی بووه‌؟ شێخ ره‌زاو شێخ عومه‌ر خۆیان ئە‌یزانن.!.

 


بۆ سبه‌ینێ شێخ عومه‌ر ئه‌یه‌وێ بڕواته‌وه‌، شێخ ره‌زا ئه‌چێ خێرا ئاوزه‌نگی ماینه‌که‌ی بۆ ئه‌گرێ، بۆ ئه‌وه‌ی شێخ عومه‌ر سواربێت.! شێخ عومه‌ریش ئه‌ڵێ: قوربان من له‌ دوێنێوه‌ له‌ خه‌یاڵی تۆیام، به‌ڵام ئاخیری ده‌سی خۆتت وه‌شان، هه‌م سواربوویت و هه‌م پێت گرتم.!

(لەڕشتەی مروارییەوە -عەلادین سەجادیی)

سۆشیال میدیا

ڕۆژنامەی زەمەن