هەواڵ

گۆنا بە شیعرەکانی مەحوی و وەفایی دێتەوە سەر شاشە

06:12 - 24/05/2019 310 جار خوێندراوەتەوە

زەمەن: مه‌زهه‌ر كه‌ریم

گۆنا محێدین ساڵانێكه‌ هۆنراوه‌ی شاعیرانی بەناوبانگی کورد وه‌فایی‌و مەحوی ده‌خوێنێته‌وه‌و بۆ ئەم رەمەزانەش چەند شیعرێکی ئامادە کردووە.

 

گۆنا بۆ “زەمەن” وتی: “به‌رنامه‌ی تایبه‌ت به ‌خۆم هه‌یه‌ له ‌مانگی ڕه‌مه‌زاندا بۆ هۆنراوه‌ خوێندنه‌وه‌، هه‌موو ئێواره‌یه‌ك له ‌ته‌لەفزیۆنی خاك زیاد له ‌هۆنراوه‌یه‌ك ده‌خوێنێمه‌وه‌”.

 

گۆنا ئەوەندە بە تامەزرۆییەوە شیعری شاعیرانی خوێندووەتەوە، ئێستا بەشێک لەو شیعرانەی لەبەر کردووەو دەتوانێ بەبێ هەبوونی دیوانەکانیشیان شیعرەکان بخوێنێتەوە بە تایبەت شیعری وه‌فایی‌و مەحوی.

 

باسی ئه‌وه‌ش ده‌كات به‌بێ جیاوازی له‌ مانگی ره‌مه‌زاندا هۆنراوه‌ بۆ سه‌رجه‌م كه‌ناڵه‌كان ده‌خوێنێته‌وه‌‌ چونکە “خۆم به ‌موڵكی سه‌رجه‌م میدیاکان ده‌زانم و تایبه‌ت نیم به ‌كه‌ناڵێكی دیاریكراو”. گۆنا وادەڵێت.

 

گۆنا بێجگە له هۆنراوه‌ خوێندنه‌وه،‌ ڕۆژانه‌ كاری خوێندنه‌وه‌ی ریكلامی بازرگانیش ده‌كات بۆ چه‌ند کۆمپانیا و شوێنێك.

 

ئه‌و ده‌ڵێت: “پێشتر شانزه‌ ساڵ به‌شێوه‌یه‌كی به‌رده‌وام كاری میدیاییم ده‌كرد له ‌ته‌لەفزیۆن‌و ڕادیۆی یه‌كگرتوو، لەوێ چه‌ندین به‌رنامه‌ی ئه‌ده‌بیم هه‌بووه‌، بەڵام ئێستا وازم هێناوه”.

 

“بۆ هۆنراوە خوێندنەوە به‌رده‌وام ده‌بم، ڕۆژانه‌ زیاد له ‌كه‌سێك داوام لێده‌كه‌ن هۆنراوەیان بۆ بخوێنمەوە، به‌ڵام من ته‌نیا له ‌سۆشیال میدیادا بڵاوم كردوونه‌ته‌وه”.

سۆشیال میدیا

ڕۆژنامەی زەمەن