عیراق

شوێنی پەرلەمانتارەكانی سەدر پڕدەكرێتەوە

09:30 - 23/06/2022 99 جار خوێندراوەتەوە

زەمەن

 

بڕیارە ئەمڕۆ پێنجشەممە، لە كۆبونەوەی ئەنجومەنی نوێنەرانی عێراقدا شوێنی پەرلەمانتارە دەستلەكاركێشاوەكانی ڕەوتی سەدر پڕبكرێتەوە، ژمارەیەك كاندید بەڵێنیان داوە بەشداری دانیشتنەكە نەكەن.

 

ناوەڕاستی ئەم مانگە 73 پەرلەمانتارەكەی رەوتی سەدر بە كۆمەڵ دەستیان لەكاركێشایەوە، ئەوەش لەسەر داوای رێبەری ڕەوتەكەیان بوو.

 

سەرۆکایەتی ئەنجومەنی نوێنەران، كاتژمێر 11ى ئەمڕۆ پێنجشەممەی دیاریكردووە بۆ كۆبونەوەی پەرلەمان، بە مەبەستی پڕكردنەوەی شوێنی پەرلەمانتارەكانی سەدر.

 

شوێنى پەرلەمانتارە دەستلەکارکێشاوەكانى کوتلەى سەدر، بەو پەرلەمانتارانە پڕدەکرێتەوە کە لە هەر بازنەیەکى هەڵبژاردن لە دواى کاندیدەکەى کوتلەى سەدر خاوەنى زۆرترین دەنگ بوون.

 

بەپێی ئاژانسی هەواڵی عێراق، ژمارەیەك كاندید، وتویانە بەرامبەر بە موقتەدا سەدر بەڵێن دەدەین کە پێنجشەممە لەدانیشتنەکەی پەرلەمان ئامادەنابن و داوای لێبوردن پێشکەش بە کۆمۆسیۆنی هەڵبژاردن دەکەن هاوشێوەی ئەندامانی فراکسیۆنی سەدڕیەکان کە دەستیان لەکارکێشایەوە.

ئەو كاندیدانەش پێكهاتوون لە: عمر عباس، میلاد شهید کازم، علوان الزبیدی، ومزڕ خزعل سلمان. 

سۆشیال میدیا

ڕۆژنامەی زەمەن