هەواڵ

بەهۆی کێشەی نێوان دوو بنەماڵەوە کەسێک کوژرا

12:47 - 15/05/2019 468 جار خوێندراوەتەوە

"زەمەن"


سه‌ر له‌ به‌یانی ئه‌مڕۆ چوارشه‌مه‌، له‌ گوندی دۆڵاشی سه‌ر به‌قه‌زای سەیدسادق به‌هۆی دروست بوونی کێشه‌ له‌ نێوان دوو بنه‌ماڵه‌ هاولاتیەک کوژرا.

قایمقامیەتی قەزای سەیدسادق بڵاویکردوەتەوە، بەهۆی کێشەی نێوان دوو بنەماڵەوە له‌سه‌ر زه‌وی وزاری کشتووکاڵی کەسێک بە ناوی (ابراهیم احمد فتاح ) تەمەن ٥٦ ساڵ کوژراوە.

 

ئاماژەی بەوەشکردوە، لەدوای روداوەکە ده‌ست به‌جێ هێزه‌ ئه‌منیه‌کان له‌ به‌ڕێوه‌به‌رێتی به‌شی پۆلیسی سیدسادق و یاریده‌ده‌رێتی ئاسایش گه‌شتنه‌ شوێنی ڕووداوه‌که‌ و توانرا تۆمه‌تباری ڕووداوه‌که‌ ده‌ستگیربکه‌ن و ڕاده‌ستی دادگای بکه‌ن.

 

باسی لەوەشکردووە، و ته‌رمی هاووڵاتیه‌که‌ ڕه‌وانه‌ی پزیشکی دادوه‌ری سلێمانی کرا، وه‌ به‌فه‌رمانی به‌ڕێز دادوه‌ری دادگای سیدسادق په‌ڕاوی لێکۆڵینه‌وه‌ بۆ دۆسییه‌که‌ کراوه‌ته‌وه‌ و لێکۆڵینه‌وه‌ی زیاتر له‌ ڕووداوه‌که‌ به‌رده‌وامه‌.

 

ئەمە لە کاتێکدایە ئێوارەی دوێنێ سێ شەممە بەهۆی شەڕی نێوان دوو بنەماڵەوە لە ناحیەی بازیان، کەسێک کوژرا و کەسێکی تریش بریندار بوون.

سۆشیال میدیا

ڕۆژنامەی زەمەن