عیراق

په‌رله‌مانتاره‌ سه‌ربه‌خۆكان ده‌ستپێشخه‌رییه‌كه‌یان راگه‌یاند

06:05 - 15/05/2022 105 جار خوێندراوەتەوە

"زەمەن"


پەرلەمانتارە سەربەخۆکانی ئه‌نجومه‌نی نوێنه‌رانی عێراق، دەستپێشخەری خۆیان بۆ تێپەڕاندنی دۆخه‌ چەقبەستوه‌كه‌ راگه‌یاند و داوا ده‌كه‌ن كه‌سێكی سه‌ربه‌خۆ ببێته‌ سه‌رۆك وه‌زیران.

به‌پێی دەستپێشخەرییەکە، سه‌ربه‌خۆكان پشتگیری حکومەتی زۆرینە دەکەن لەگەڵ دامەزراندنی ئۆپۆزسیۆنێکی کارا و نایەنەوێت هیچ لایەنێکی دەرەکی دەستوەرداتە پێکهێنانی حکومەتی نوێی عێراقی. 

پەرلەمانتارە سەربەخۆکان، ده‌ڵێن: فراکسیۆنێکی سەربەخۆ پێکدەهێنن بۆئەوەی پەرتەوازە نەبن و بتوانن بەیەکەوە کارەکانیان جێبەجێ بکەن،  به‌پێویستی ده‌زانن کەسێكی سەربەخۆ و پاك ببێتە سەرۆك وەزیران کە لە گەندەڵی تێوەنەگلابێت و شارەزای سیاسەت کردن بێت.

راشیانگەیاندووه‌: پێویستە سەرۆک کۆمار بەپێی دەستور هەڵبژێردرێت و مەرجەکانی تێدا بێت و دیاردەری چەکداری بە یاسایەك کۆتایی پێبهێنرێت.

هه‌روه‌ها به‌پێویستی ده‌زانن سنورێك بۆ بە هەدەردانی سامانی نیشتیمان و دەستبردن بۆ سامانی گشتی دابنرێت و  حکومەت پەرە بە بوارەکانی پیشەسازی و کشتوکاڵ و گەشتوگوزار و دۆسیەی ئاو و پەروەردە و خوێندنی باڵا بدات و پشتگیری گەنجان بێت.

زیاتر له‌ شه‌ش مانگه‌ هه‌ڵبژاردنی په‌رله‌مانی عێراق كراوه‌، تائێستا سه‌رۆك كۆمار و سه‌رۆك وه‌زیران هه‌ڵنه‌بژێردراون.

سۆشیال میدیا

ڕۆژنامەی زەمەن