ئابوری

نرخی نه‌وت گۆڕانكاری به‌سه‌ردا هات

09:21 - 23/11/2021 36 جار خوێندراوەتەوە

زه‌مه‌ن_ئابووری

نرخی نەوت له‌ بازاڕەکانی جیهاندا، رووى لە دابەزین کردووە و ئەمڕۆ لە خوار 79 دۆلارەوە مامەڵەى پێوەدەکرێت.


سه‌رله‌به‌یانی ئه‌مڕۆ سێشه‌ممه‌‌،‌ نرخی به‌رمیلێك نه‌وتی برێنت به ‌78  دۆلارو 97 سه‌نت ‌و نه‌وتی خاوی ئه‌مریكیش به‌ 75 دۆلارو 82 سه‌نت مامه‌ڵه‌ی پێوه‌ده‌كرێت.


له‌ رۆژی 27ی 10ی مانگی رابردوو،‌ نرخی به‌رمیلێك نه‌وتی برێنت گه‌یشته‌ 85 دۆلار و 77 سه‌نته‌و و نه‌وتی خاوی ئه‌مریكیش به 83 دۆلار و 87 سه‌نت مامه‌ڵه‌ی پێوه‌كرا، ئه‌وه‌ش ژماره‌یه‌كی به‌رزی پێوانه‌یی تۆماركردنی نرخ بوو له‌ ساڵی 2018وه‌ تاوه‌كو ئه‌مڕۆ.

به‌رزبوونه‌وه‌ و داكشانی نرخی نه‌وتی جیهانی، كاریگه‌ری راسته‌وخۆی له‌سه‌ر ئابوری هه‌رێمی كوردستان و بارودۆخی فه‌رمانبه‌ران هه‌یه‌، به‌وپێیه‌ی حكومه‌ت مووچه‌ی فه‌رمانبه‌رانی له‌ داهاتی ناوخۆو فرۆشی نه‌وت دابینده‌كات، نیوه‌ زیاتریشی داهاتی مانگانه‌ش پشت به‌ستووه‌ به‌ فرۆشی نه‌وتی رۆژانه‌.

مانگی ئازاری 2020، دوای بڵاوبوونەوەی ڤایرۆسی کۆرۆنا و کەمبوونەوەی خواست لەسەری، نرخی یەک بەرمیل نەوت لە خوار 20 دۆلارەوە مامەڵەی پێوەدەکرا، ئەوەش نزمترین ئاستی بوو لە ماوەی 20 ساڵی رابردوودا.

سۆشیال میدیا

ڕۆژنامەی زەمەن