کوردستان

شێخ جەعفەر: کاک نەوشیروان کەسایەتییەکە لە مێژوی کوردا کەس ناتوانێت بەوشێوەیە باسى بکات

06:22 - 20/09/2020 4257 جار خوێندراوەتەوە

 (زه‌مه‌ن):
جەعفەر شێخ مستەفا، ده‌ڵێ مەلا بەختیار نەدەبو بەوشێوەیە قسە لەسەر کاک نەوشیروان بکات، چونکە کاک نەوشیروان کەسایەتییەکە لە مێژوی کوردا کەس ناتوانێت بەوشێوەیە باسى بکات".

 

شێخ جەعفەر شێخ مستەفا، ئه‌ندامی ئه‌نجومه‌نی باڵای به‌رژه‌وه‌ندی و سیاسی یه‌كێتی و جێگری سه‌رۆكی هه‌رێم، له‌ لێدوانێكدا به‌ "زه‌مه‌ن"ی راگه‌یاند  "ئەو کاتەی کاک نەوشیروان لەناو یەکێتیدا بوە و دواتریش لە ناو گۆڕان و ئێستاش کە کۆچی دوایی کردوە، شانازی بەوەوە دەکەم کە لەگەڵ کەسایەتییەکی وادا کارم کردوە و بەرپرسم بوە".

ناوبراو بڵاوكردنه‌وه‌ی ئه‌و ده‌نگۆیانه‌ی ره‌تكرده‌وه‌ كه‌ به‌ناوی ئه‌وه‌وه‌ بڵاوكراونه‌ته‌وه‌ گوایه‌؛ پشتیوانى قسەکان و ناوەڕۆکى کتێبەکەى مەلا بەختیارى کردبێت.

 

ئاماژەی به‌وه‌شكرد كه‌ ئەوانەی ئەمڕۆ ئەو جۆرە قسانە دەکەن و دەیانەوێت مێژوی هاوڕێکانیان لەکەدار بکەن، "کەسانێکی بێتوانان" و دەشڵێت: "مەلا بەختیار نەدەبو بەوشێوەیە قسە لەسەر کاک نەوشیروان بکات، چونکە کاک نەوشیروان کەسایەتییەکە لە مێژوی کوردا کەس ناتوانێت بەوشێوەیە باسى بکات".

پێشوایە ئەوەى کە بە رق و کینە وەک مێژو دەنوسرێتەوە، ئەوە هەر مێژو نیە و "ئەگەر مێژو ئەوە بێت، نەفرەتی لێ دەکەم".

سۆشیال میدیا

ڕۆژنامەی زەمەن

Advertisement