وتار

شەڕ لەبادینان تۆز لەدەرکێ مە

1/24/2021 12:36:00 PM 123 جار خوێندراوەتەوە
موسلیح هەمزە نوری

فیلمەکەی ئێران لەسەر بارزانی و سلێمانی
- لەرۆژی 1-1-2021 لە ژێر فشاری ئەمریکا  نەتەوەیەکگرتوەکان  بابەتی سزاکانی سەرئێران و زیندوکردنەوەی لیژنەی سزاکانی نەتەوەیەکگرتوەکانی خستە دەنگدانەوە ، نوێنەری ئەمریکا وتی ئێمە لە رێکەوتنی ئەتۆمی کشاوینەتەوە  ئەو رێکەوتنە بونی نیە پێویستە لیژنەی سزاکانی نەتەوە یەکگرتوەکان  لەسەر ئێران دەست بەکار بکاتەوە ، پرۆژە بریارەکە خرایە دەنگدانەوە ، تەنها ١٠ وڵات لەگەلی بوون ، ١١٠ دژی بوو. وە ٣٢ ولات دەنگیان نەدا ،  واتە بێ لایەن بوون ، عێراق یەکێک بوو لەو ولاتانەی  دەنگی نەدا  نەدژ بوو نە لەگەل بوو.

 ئەو هەڵوێستەی عێراق گڕی لە سەرکردەکانی ئێران بەردا ، بەوپێیەی عێراق بە هی خۆیان ئەزانن ، بەڵام هەڵوێستی عێراق  وەکو وڵاتی  میسر بوو کە ئێران بەنەیاری ئەزانێت،  
ئێرانیەکان ئەو هەڵوێستەی نوێنەری عێراق، لە چاوی فوئاد حسین وەزیری دەرەوەی عێراقدا ئەبینن و پێیان وایە نوێنەری عێراق بە بێ پرسی وەزیری دەرەوە هەنگاو نانێت و  فوئاد حسێن وەزیری دەرەوەش  کە ساڵانێک لێپرسراوی نوسینگەکەی مەسعود بارزانی بوە بەبێ پرسی بارزانی  هیچ هەنگاوێک نانێت ، وە بارزانی  بەرێکەوتن لەگەل ئەمریکیەکان ئەو کارەی کردوە .

- فلیمەکە ئەوەندەی پەیام بوو ئەوەندە سوکایەتی نەبوو ، ئێرانییەکان ئەو پەیامەیان گەیاند ، هەرکاتێک بمانەوێت ، دەتوانین مەترسیەکان بهێنینەوە سنوری هەولێر و ئەو بارودۆخە پێشوو  بخولقێنین و کەس فریاتان ناکەوێت ، ئەمریکاو  وڵاتانی تر دورن ئێمە نزیکین  دەردو  دەرمان لەدەست خۆماندایە .

- ئەوەی سەیرە  شەڕەکە لەئەمریکا بوەو،  تۆزەکەی لێرەیەو یەکێتی و پارتی بەربونەتە گیانی یەک وەک سەگەکانی رەزا بەگ  لەگەل بچوکترین کێشە بەشێوەیەک پەلاماری یەکتر ئەدەن و یەکتر ئەخۆن، تەنها کلکیان ئەمێنێتەوە قوتی بدەن.

سۆشیال میدیا

ڕۆژنامەی زەمەن

Advertisement